संत गोरा कुंभार यांचा जन्म इ.स. १२६७ मध्ये महाराष्ट्रातील उस्मानाबाद जिल्ह्यातील तेर या गावात झाला. त्यांचे वडील माधवबुवा हे धार्मिक वृत्तीचे होते. माधवबुवांना आठ मुले झाली होती. त्यांनी आपली ८ ही मुले काळेश्वराजवळील स्मशानातील गोरीत पुरली होती. ती आठही मुले जिवंत कशी झाली, यासंबंधी एक आख्यायिका आहे. एकदा परमात्मा पांडुरंग ब्राह्मणाचा वेष घेऊन त्यांच्या घरी आले. माधवबुवांनी आपली व्यथा सांगितली. देवांनी त्यांना आठ मुलांना जेथे मूठमाती दिली, ती जागा दाखविण्यास सांगितली. देवांनी सर्व मुलांची प्रेते उकरण्यास सांगितली आणि ती मुले जिवंत झाली. या घटनेनंतर जन्मलेले बाळ म्हणजेच गोरा कुंभार.